შესავალი
შპს „მედკაპიტალი“ (შემდგომში - მედკაპიტალი და/ან ჩვენ) წარმოადგენს ამბულატორიული სამედიცინო დაწესებულებების ქსელს, რომელიც საქმიანობას ახორციელებს თბილისის მასშტაბით რამოდენიმე მისამართზე.
წინამდებარე პოლიტიკის დოკუმენტი ეფუძნება და შესაბამისობაშია პერსონალურ მონაცემთა დაცვის კანონმდებლობასთან. პოლიტიკის დოკუმენტით განისაზღვრება, მაგრამ არ შემოიფარგლება, მედკაპიტალის მიერ, მისი მიზნებისა და საქმიანობის გათვალისწინებით, მოპოვებული/შეგროვებული პერსონალური მონაცემების დაცვისა და დამუშავების წესები და პროცედურები, დამუშავების პროცესის კანონმდებლობის შესაბამისად წარმართვა, პირის უფლებების, კონფიდენციალურობისა და მონაცემთა უსაფრთხოების დაცვა და მონაცემთა დამუშავების გამჭვირვალობის უზრუნველყოფა.
მედკაპიტალი მოწოდებულია უზრუნველყოს ადამიანის ძირითადი უფლებებისა და თავისუფლებების დაცვა, მათ შორის პირადი ცხოვრების, პირადი სივრცისა და პერსონალური მონაცემების დაცვის თვალსაზრისით. მედკაპიტალი განსაკუთრებულ მნიშვნელობას ანიჭებს დასაქმებულის, პაციენტების/ბენეფიციარების და ყველა სახელშეკრულებო ურთიერთობაში მყოფი სუბიექტების პერსონალურ მონაცემთა დაცვას, აქედან გამომდინარე, პერსონალურ მონაცემთა დამუშავებისას, მედკაპიტალი მოქმედებს პერსონალურ მონაცემთა დაცვის შესახებ საქართველოს კანონის, სხვა სამართლებრივი აქტებისა და პერსონალურ მონაცემთა დაცვის პოლიტიკის შესაბამისად.
წინამდებარე პოლიტიკის დოკუმენტში განსაზღვრულია პრინციპები, მეთოდები და პროცედურები, რომლითაც მედკაპიტალი ხელმძღვანელობს პერსონალური მონაცემების დამუშავებისას.
მედკაპიტალისგან პროდუქტის/მომსახურების მიღების ან მასთან რაიმე სახის სამართლებრივ ურთიერთობაში შესვლის შემთხვევაში, პირის მიერ პერსონალურ მონაცემთა დამუშავებაზე თანხმობის განცხადებისას ან კანონმდებლობით გათვალისწინებულ შემთხვევებში, შეთანხმებით/ხელშეკრულებით გათვალისწინებული ვალდებულებების შესრულების მიზნით და საქმიანობის სპეციფიკიდან გამომდინარე, მედკაპიტალმა შესაძლოა დაამუშაოს სხვადასხვა სახის პერსონალური მონაცემები, მათ შორის, განსაკუთრებული კატეგორიის მონაცემი.
მედკაპიტალი უზრუნველყოფს, რომ მას ჰქონდეს კონფიდენციალურობიასა და პერსონალურ მონაცემთა დაცვის სრულყოფილად დანერგილი შიდა წესები/სისტემები, უზრუნველყოს სავალდებულო რეგულაციების დაცვა, რომლებიც სრულ შესაბამისობაშია საქართველოს მოქმედ კანონმდებლობასთან. შესაბამისად, ამ ურთიერთობის თითოეული მხარე ვალდებულია უზრუნველყოს, რომ მათი საქმიანობა სრულ შესაბამისობაში იყოს პერსონალურ მონაცემთა დაცვის კანონმდებლობასთან და ასევე პერსონალურ მონაცემთა დამუშავება განახორციელონ საქართველოს კანონმდებლობით განსაზღვრული პრინციპების დაცვით, ხოლო თუ მონაცემთა დამუშავებისთვის კანონი ითვალისწინებს მონაცემთა სუბიექტის, თანხმობას მოიპოვოს/მოპოვებული ჰქონდეს აღნიშნული თანხმობა (მატერიალური ან ელექტრონული წერილობითი ფორმით). თანხმობა უნდა იყოს ინფორმირებული, ნებაყოფლობითი, მკაფიო, კონკრეტული, მარტივი და გასაგები.
ტერმინთა განმარტება
წინამდებარე პოლიტიკაში გამოყენებულ ტერმინებს აქვთ „პერსონალურ მონაცემთა დაცვის შესახებ“ საქართველოს კანონით და სხვა საკანონმდებლო აქტებით განსაზღვრული მნიშვნელობა, კერძოდ,
მონაცემთა სუბიექტის პერსონალურ მონაცემთა კატეგორიზაცია
წინამდებარე პოლიტიკა ეხება ყველა სახის პირად მონაცემს, რომელსაც მედკაპიტალი იღებს მონაცემთა სუბიექტისგან ელექტრონული ან მატერიალური სახით, რაც მოიცავს, მაგრამ არ შემოიფარგლება, შემდეგი პერსონალური მონაცემებით:
პერსონალურ მონაცემთა მოპოვება/ინფორმაციაზე წვდომა
მონაცემთა სუბიექტისგან მონაცემების მიღება/მოპოვება ხდება სხვადასხვა წყაროების მეშვეობით, მათ შორის:
მედკაპიტალმა შეიძლება შეაგროვოს და დაამუშაოს მონაცემთა სუბიექტის პერსონალური მონაცემები ასევე, საჯაროდ ხელმისაწვდომი წყაროებიდან (ასეთის არსებობის შემთხვევაში).
პერსონალურ მონაცემთა დამუშავების მიზანი
მონაცემთა დამუშავება ხორციელდება სხვადასხვა მიზნით - მომსახურების გაწევა, პაციენტისათვის შესაბამისი სამედიცინო მომსახურების მიწოდება, სამედიცინო დოკუმენტაციის სათანადოდ წარმოება, ჯანმრთელობის დაცვის სისტემის სათანადო მართვა და ფუნქციონირება, სამედიცინო დიაგნოზის დადგენა, მკურნალობა, პირის სასიცოცხლო ინტერესების დაცვა, საჯარო ინტერესის შესაბამისად მონაცემების შენახვა, მომსახურების ხარისხის გაუმჯობესება, საჩივრებზე, სარჩელებზე, განცხადებებზე, პრეტენზიებზე რეაგირება, სადაზღვევო კომპანიებიდან ან/და შესაბამისი დამფინანსებლ(ებ)ისაგან ანაზღაურების მოთხოვნა/მიღება, კანონმდებლობით გათვალისწინებული ვალდებულებების დაცვა/შესრულება, სამართლებრივი ურთიერთობის არსებობა, მონაცემთა სუბიეტთან შრომით-სამართლებრივ, სამოქალაქო ან ადმინისტრაციულ სამართლებრივ ურთიერთობაში შესვლა, კანონმდებლობით გათვალისწინებულ შემთხვევებში მაკონტროლებელი ან სხვა უფლებამოსილი ორგანოსთვის მონაცემების ხელმისაწვდომობა, მარკეტინგული მიზანი და სხვა.
მონაცემთა დამუშავების პრინციპები
მედკაპიტალის მიერ მონაცემთა დამუშავებისას დაცულია შემდეგი პრინციპები:
მონაცემთა დამუშავება
მედკაპიტალი პერსონალური მონაცემების დამუშავებას ახორციელებს ავტომატური, ნახევრად ავტომატური და არაავტომატური საშუალებების გამოყენებით.
მედკაპიტალი, მოქმედი კანონმდებლობის შესაბამისად, ახორციელებს დასაქმებულების, კონტრაგენტების, პაციენტების, წინასახელშეკრულებო ურთიერთობაში მყოფი სუბიექტების და საჭიროების შემთხვევაში ლეტიგიმური მიზნიდან გამომდინარე სხვა პირთა პერსონალურ მონაცემებს.
მედკაპიტალი უზრუნველყოფს პერსონალურ მონაცემების აღრიცხვას პერსონალურ მონაცემთა ტიპების/კატეგორიის შესაბამისად, სადაც მიეთითება დამუშავების მიზანი, საფუძველი, მონაცემთა შენახვის ვადები, უსაფრთხოების ზომები, რომელიც შემდგომი მოთხოვნის შემთხვევაში ეგზავნება პერსონალურ მონაცემთა დაცვის სამსახურს.
მედკაპიტალი უზრუნველყოფს პერსონალური მონაცემების დამუშავების შესახებ დასაქმებულების, პაციენტების, წინასახელშეკრულებო ურთიერთობაში მყოფი სუბიექტების, კონტრაგენტების და სხვა უფლებამოსილ პირთა ინფორმირებას, შესაბამისი მექანიზმების (სუბიექტის ინფორმირებულობა, ინფორმაციის ხელმისაწვდომობა და სხვა) და დოკუმენტების (ხელშეკრულება, ინფორმირებული თანხმობა და სხვა), მათ შორის პერსონალურ მონაცემთა დაცვის პოლიტიკის მეშვეობით.
მონაცემთა დამუშავების საფუძვლები
მედკაპიტალი პერსონალურ მონაცემებს ამუშავებს თუ არსებობს ერთ-ერთი შემდეგი საფუძველი:
განსაკუთრებული კატეგორიის მონაცემთა დამუშავების საფუძვლები
მედკაპიტალი განსაკუთრებული კატეგორიის მონაცემებს ამუშავებს თუ არსებობს ერთ-ერთი შემდეგი საფუძველი:
მონაცემთა დამუშავება უფლებამოსილი პირის მიერ
მედკაპიტალი, ლეგიტიმური ინტერესის საფუძველზე და საჭიროების გათვალისწინებით, უფლებამოსილია პერსონალური მონაცემები გადასცეს სხვა პირს (პერსონალურ მონაცემთა დამუშავებაზე უფლებამოსილი პირი), რომელიც მედკაპიტალის და/ან საკუთარი სახელით ახორციელებს პერსონალური მონაცემების დამუშავებას.
პერსონალურ მონაცემთა დამუშავებაზე უფლებამოსილი პირისთვის პერსონალური მონაცემების გადაცემა ხორციელდება ხელშეკრულების და/ან კანონის საფუძველზე.
პერსონალურ მონაცემთა დამუშავებაზე უფლებამოსილი პირი, სახელშეკრულებო ურთიერთობის შეწყვეტის შემთხვევაში, დაუყოვნებლივ უზრუნველყოფს პერსონალურ მონაცემთა დამუშავებისთვის პასუხისმგებელი პირისთვის პერსონალური მონაცემების დაბრუნებას, მონაცემთა დამუშავების შეწყვეტას და პერსონალურ მონაცემთა საკუთარ ბაზაში წაშლას.
პერსონალურ მონაცემთა დამუშავებაზე უფლებამოსილი პირი ვალდებულია დაიცვას პერსონალურ მონაცემთა დაცვის კანონმდებლობა და უზრუნველყოს მის ხელთ არსებული ინფორმაციის კონფიდენციალურობის დაცვა.
პერსონალურ მონაცემთა დამუშავებაზე უფლებამოსილი პირი ვალდებულია დაამუშაოს მონაცემები მისი კომპეტენციის ფარგლებში და კანონიერი მიზნიდან გამომდინარე, რომელიც მოქმედი კანონმდებლობის შესაბამისად და არსებული სახელშეკრულებო ურთიერთობიდან გამომდინარე საჭიროა შესაბამისი მომსახურების უზრუნველსაყოფად, ჯანმრთელობის დაცვის სისტემების მართვისა და ფუნქციონირებისთვის, დასაქმებულთა უფლებებისათვის და მათი რეალიზებისთვის, დასაქმებულთა ინფორმაციის მართვისთვის, კანონმდებლობით ნაკისრი ვალდებულებების შესრულებისთვის და სხვა საჭიროებებისთვის.
პერსონალურ მონაცემთა დამუშავებაზე უფლებამოსილი პირი ვალდებულია არ გაამჟღავნოს და არ გადასცეს პერსონალური მონაცემები მესამე პირს.
მონაცემთა დამუშავებაზე უფლებამოსილი პირი ვალდებულია დაიცვას პერსონალური მონაცემები, მათ შორის განსაკუთრებული კატეგორიის და ჯანმრთელობასთან დაკავშირებული პერსონალური მონაცემები (ასეთის არსებობის შემთხვევაში), მათი დამუშავება განახორციელოს სამართლიანად, კანონიერად, გამჭვირვალედ, მონაცემთა უფლებების შეულახავად.
მონაცემთა დამუშავებაზე უფლებამოსილი პირი, რომელსაც სახელშეკრულებო ურთიერთობიდან გამომდინარე, ახორციელებს პერსონალური მონაცემების დამუშავებას, პასუხისმგებლობა ეკისრება პერსონალურ მონაცემთა გამჟღავნებაზე, უკანონო გამოყენებაზე, დაკარგვაზე, უკანონო მოპოვებაზე, შეცვლაზე, უკანონო განადგურებაზე და სხვა არაკანონიერ ქმედებაზე.
მონაცემთა სუბიექტის უფლებები
მონაცემთა სუბიექტი უფლებამოსილია, მიიღოს პერსონალურ მონაცემთა დამუშავების შესახებ შემდეგი ინფორმაცია:
საქართველოს კანონის „პერსონალურ მონაცემთა დაცვის შესახებ“ თანახმად მონაცემთა სუბიექტს აქვს შემდეგი უფლებები:
მონაცემთა სუბიექტს უფლება აქვს მიიღო ინფორმაცია იმ მონაცემის თაობაზე, რომელიც მუშავდება, აგრეთვე ამ მონაცემის დამუშავების საფუძვლისა და მიზნის შესახებ კერძოდ,
მომხმარებლებთან სატელეფონო კომუნიკაციისას, აუდიო მონიტორინგის წარმოებისას მიღებული ინფორმაციის შესახებ, ხოლო საკუთრების დაცვის და უსაფრთხოების მიზნით მედკაპიტალის საკუთრებაში/დროებით სარგებლობაში არსებულ ტერიტორიაზე ვიდეომონიტორინგის მიმდინარეობისას მიღებული ვიდეომასალის შესახებ.
მონაცემთა სუბიექტი წერილობითი განცხადებით მიმართავს მედკაპიტალს მის შესახებ პერსონალური მონაცემების მიღების მოთხოვნით. მიმართვისას, იგი უფლებამოსილია თავად განსაზღვროს თუ რა ფორმით სურს მონაცემთა მიწოდება. ამასთან, თუ განცხადებაში არ არის აღნიშნული ფორმის მიღების შესახებ, მედკაპიტალი უფლებამოსილია მატერიალური სახით, მედკაპიტალის მისამართზე გააცნოს მონაცემთა სუბიექტს მოთხოვნილი ინფორმაცია/დოკუმენტი.
ინფორმაციის გაცნობის გარდა, მონაცემთა სუბიექტს უფლება აქვს მოთხოვოს მედკაპიტალის მიერ დადგენილ პასუხისმგებელ პირს/სამსახურს პერსონალური მონაცემების ასლის მიღება 10 სამუშაო დღის ვადაში (გარდა, განსაკუთრებული შემთხვევის არსებობისას, როცა მოთხოვნილი მასალის/ასლის გადაცემისთვის საჭირო დრო აღემატება დადგენილ ვადას) უსასყიდლოდ.
გამონაკლის შემთხვევაში, პერსონალურ მონაცემთა გაცემისთვის დახარჯული რესურსის ან/და მოთხოვნის სიხშირის გამო, მედკაპიტალს უფლება აქვს პერსონალურ მონაცემთა ასლების გაცემისათვის დაადგინოს შესაბამისი საფასური.
მონაცემთა სუბიექტი სარგებლობს უფლებით მიმართოს მედკაპიტალს და მოთხოვოს მისი დამუშავებადი პერსონალური მონაცემის დაბლოკვა გარკვეული ვადით, თუ:
აგრეთვე, მედკაპიტალი ვალდებულია, დაბლოკოს მონაცემები თუ მონაცემთა სუბიექტი ითხოვს მისი პერსონალური მონაცემების და მუშავების შეწყვეტას, წაშლას ან განადგურებას და მიმდინარეობს აღნიშნული მოთხოვნის განხილვა მედკაპიტალის მიერ.
მონაცემთა სუბიექტის მიერ ზემოხსენებული უფლების გამოყენებისას, მედკაპიტალი განბლოკავს პირის დამუშავებად პერსონალურ მონაცემებს, თუ აღნიშნულმა შეიძლება საფრთხე შეუქმნას:
მონაცემთა სუბიექტს უფლება აქვს მიმართოს მედკაპიტალს და მოითხოვოს მისი ავტომატურად დამუშავებადი პერსონალური მონაცემების მიღება სტრუქტურიზებული, საზოგადოდ გამოყენებადი და მანქანურად წაკითხვადი ფორმატით. აგრეთვე, მონაცემთა სუბიექტს შეუძლია აღნიშნული მონაცემის გადაცემა სთხოვოს მედკაპიტალს სხვა ისეთი პასუხისმგებელი პირისთვის, რომელიც ახორციელებს მონაცემების დამუშავებას.
მონაცემთა სუბიექტის მიერ მედკაპიტალისთვის გაცხადებული თანხმობის შემდეგ, მედკაპიტალი ახორციელებს მისი პერსონალური მონაცემების დამუშავებას. თუმცა, მონაცემთა სუბიექტს უფლება აქვს, ნებისმიერ დროს მოსთხოვოს მედკაპიტალს ყოველგვარი განმარტების გარეშე გაცემული თანხმობის გამოხმობა, რაც გულისხმობს მედკაპიტალის ვალდებულებას შეწყვიტოს მონაცემის დამუშავება ან/და დამუშავებული მონაცემების წაშლა/განადგურება შესაბამისი მოთხოვნის მიღებიდან 10 სამუშაო დღის ვადაში. გამონაკლისია შემთხვევა, როცა არსებობს მედკაპიტალის მნიშვნელოვანი ლეგიტიმური მიზანი და/ან მონაცემთა დამუშავების სხვა კანონისმიერი საფუძველი.
მონაცემთა სუბიექტს უფლება აქვს მოთხოვოს მედკაპიტალს მონაცემთა დამუშავების შეწყვეტა, წაშლა ან განადგურება. ხოლო, მედკაპიტალი ვალდებულია მოთხოვნის მიღებიდან არაუგვიანეს 10 სამუშაო დღის ვადაში უზრუნველყოს განცხადების დაკმაყოფილება და შესაბამისი მოქმედებების ჩატარება. გამონაკლისია ისეთი შემთხვევა, თუ:
მონაცემთა სუბიექტს უფლება აქვს, მოსთხოვოს მედკაპიტალს მის შესახებ მცდარი, არაზუსტი ან/და არასრული მონაცემების გასწორება, განახლება ან/და შევსება.
თუ მედკაპიტალი სუბიექტისგან დამოუკიდებლად გამოავლენს, რომ მის ხელთ არსებული მონაცემები მცდარი, არაზუსტი ან/და არასრულია, მან გონივრულ ვადაში უნდა გაასწოროს, განაახლოს ან/და შეავსოს მონაცემები.
მედკაპიტალმა მონაცემთა გასწორებიდან 10 სამუშაო დღის ვადაში ამის შესახებ აცნობოს მონაცემთა სუბიექტს, გარდა იმ შემთხვევისა, თუ მონაცემების გასწორება, განახლება ან/და შევსება უკავშირდება ტექნიკური შეცდომის გასწორებას/აღმოფხვრას.
თუ არსებობს ობიექტური გარემოება, რომელიც შეუძლებელს ხდის 10 სამუშაო დღის ვადაში მონაცემთა სუბიექტის ინფორმირების ვალდებულების შესრულებას, მედკაპიტალმა ცვლილების განხორციელების შესახებ ინფორმაცია მონაცემთა სუბიექტს უნდა მიაწოდოს მასთან პირველი კომუნიკაციის განხორციელებისთანავე.
მედკაპიტალი ვალდებულია ყველა მონაცემთა მიმღებს, აგრეთვე ამავე მონაცემთა ყველა სხვა დამუშავებისთვის პასუხისმგებელ პირს და დამუშავებაზე უფლებამოსილ პირს, რომლებსაც თავად გადასცა მონაცემები, შეატყობინოს მონაცემთა განახლებისა და შევსების შესახებ, გარდა იმ შემთხვევისა, როდესაც ასეთი ინფორმაციის მიწოდება შეუძლებელია დამუშავებისთვის პასუხისმგებელი პირების/დამუშავებაზე უფლებამოსილი პირების ან მონაცემთა მიმღებების სიმრავლის ან/და არაპროპორციულად დიდი დანახარჯების გამო. აღნიშნული პირები შესაბამისი ინფორმაციის მიღების შემდეგ ვალდებული არიან გონივრულ ვადაში გაასწორონ, განაახლონ ან/და შეავსონ მონაცემები.
თუ მედკაპიტალის მიერ არ მოხდა მონაცემთა სუბიექტის მიერ მოთხოვნილი მოქმედების შესრულება, კერძოდ სუბიეტის მოთხოვნის მიუხედავად არ შეწყდა მისი მონაცემთა დამუშავება ან/და მონაცემები არ წაიშალა ან არ განადგურდა, მონაცემთა სუბიექტს უნდა ეცნობოს მოთხოვნაზე უარის თქმის საფუძველი და განემარტოს უარის გასაჩივრების წესი.
თუ მონაცემთა სუბიექტის მოთხოვნიდან 10 სამუშაო დღის ვადაში მედკაპიტალმა არ უზრუნველყო მისი პერსონალური მონაცემების გასწორება, განახლება ან/და შევსება, მონაცემთა სუბიექტს ეცნობოს მოთხოვნაზე უარის თქმის საფუძველი და განემარტოს უარის გასაჩივრების წესი.
მონაცემთა სუბიექტს უფლება აქვს, საქართველოს ,,პერსონალურ მონაცემთა დაცვის შესახებ“ კანონით გათვალისწინებული უფლებებისა და დადგენილი წესების დარღვევის შემთხვევაში კანონით დადგენილი წესით მიმართოს პერსონალურ მონაცემთა დაცვის სამსახურს და/ან სასამართლოს.
მონაცემთა სუბიექტის უფლებების დაცვის კომისია
პოლიტიკით გათვალისწინებული მონაცემთა სუბიექტის უფლებების ეფექტიანად განხორციელების მიზნით მედკაპიტალში შექმნილია მონაცემთა სუბიექტის უფლებების დაცვის კომისია, რომლის შემადგენლობა განისაზღვრება მედკაპიტალის გენერალური დირექტორის ბრძანებით. მონაცემთა სუბიექტის უფლებების დაცვის კომისია შედგება 3 წევრისგან, მათ შორის თავმჯდომარისგან.
მონაცემთა სუბიექტი უფლებამოსილია პოლიტიკით გათვალისწინებული უფლებების განხორციელებასთან დაკავშირებით განცხადებით ან ელ. ფოსტაზე შეტყობინების გაგზავნით მიმართოს მონაცემთა სუბიექტის უფლებების დაცვის კომისიას, რომელიც მას განიხილავს „პერსონალურ მონაცემთა დაცვის შესახებ“ საქართველოს კანონითა და ამ პოლიტიკით დადგენილი წესით.
მონაცემთა სუბიექტის განცხადება/შეტყობინება ეგზავნება პერსონალურ მონაცემთა დაცვის ოფიცერსა და მონაცემთა სუბიექტის უფლებების დაცვის კომისიას. პერსონალურ მონაცემთა დაცვის ოფიცერი განცხადენასთან/რეკომენდაციასთან დაკავშირებით შესაბამის რეკომენდაციას უგზავნის მონაცემთა სუბიექტის უფლებათა დაცვის კომისიას.
მონაცემთა სუბიექტის უფლებების დაცვის კომისიის საქმიანობაში, კომისიის თავმჯდომარის გადაწყვეტილებით, ხმის უფლების გარეშე, შესაძლებელია ჩაერთოს მედკაპიტალში დასაქმებული პირი განსახილველი საკითხის სპეციფიკის გათვალისწინებით.
მონაცემთა სუბიექტის უფლებების დაცვის კომისიის წევრი ვალდებულია განცხადების განხილვამდე განაცხადოს ყველა იმ გარემოების თაობაზე, რომელმაც შეიძლება მას ხელი შეუშალოს მონაცემთა სუბიექტის განცხადების თაობაზე გადაწყვეტილების მიუკერძოებლად მიღებაში. ასეთი გარემოების არსებობისას, მონაცემთა სუბიექტის უფლებების დაცვის კომისიის წევრი ვალდებულია, განაცხადოს თვითაცილება. თუ მონაცემთა სუბიექტის უფლებების დაცვის კომისიის წევრი არ განაცხადებს ასეთი გარემოების არსებობის შესახებ, ხოლო აღნიშნულის შესახებ მონაცემთა სუბიექტის უფლებების დაცვის კომისიისათვის ცნობილი გახდება განცხადების განხილვისას, მონაცემთა სუბიექტის უფლებების დაცვის კომისიის ამ წევრის მიერ განცხადების შეფასება არ იქნება გათვალისწინებული საბოლოო გადაწყვეტილების მიღებისას.
მონაცემთა სუბიექტის უფლებების დაცვის კომისია უფლებამოსილია, მიიღოს გადაწყვეტილება, თუ სხდომას ესწრება წევრთა ნახევარზე მეტი.
მონაცემთა სუბიექტის უფლებების დაცვის კომისია გადაწყვეტილებას იღებს კენჭისყრის საფუძველზე; გადაწყვეტილება მიღებულად ითვლება, თუ მას მხარს დაუჭერს სხდომაზე დამსწრე წევრთა ნახევარზე მეტი. ხმების თანაბრად გაყოფის შემთხვევაში, გადამწყვეტად ითვლება სხდომის თავმჯდომარის ხმა.
მონაცემთა სუბიექტის უფლებების დაცვის კომისია გადაწყვეტილებას იღებს „პერსონალურ მონაცემთა დაცვის შესახებ“ საქართველოს კანონისა და სხვა საკანონმდებლო და კანონქვემდებარე აქტების შესაბამისად ამ პოლიტიკით დადგენილი წესით.
მონაცემთა სუბიექტის უფლებების დაცვის კომისიის მიერ საკითხების განხილვა უნდა იყოს ობიექტური, სამართლიანი და მიუკერძოებელი.
მონაცემთა სუბიექტის უფლებების დაცვის კომისია უფლებამოსილია, მონაცემთა სუბიექტის განცხადება/შეტყობინება განიხილოს ელექტრონული კომუნიკაციის საშუალებებით.
მონაცემთა სუბიექტის უფლებების დაცვის კომისიის დასაბუთებული გადაწყვეტილება აისახება სხდომის ოქმში, რომელსაც ხელს აწერენ სხდომის თავმჯდომარე და დამსწრე წევრები. მონაცემთა სუბიექტის უფლებების დაცვის კომისიის წევრს უფლება აქვს, თავისი განსხვავებული აზრი დაურთოს ოქმს, რის შესახებაც ოქმში კეთდება შესაბამისი ჩანაწერი.
მონაცემთა სუბიექტის უფლებების დაცვის კომისიის გადაწყვეტილების გასაჩივრების უფლება
მონაცემთა სუბიექტს უფლება აქვს, „პერსონალურ მონაცემთა დაცვის შესახებ“ საქართველოს კანონით გათვალისწინებული უფლებებისა და დადგენილი წესების დარღვევის შემთხვევაში მიმართოს მონაცემთა სუბიექტის უფლებათა დაცვის კომისიას.
მონაცემთა სუბიექტს უფლება აქვს მედკაპიტალის გადაწყვეტილების გასაჩივრების მიზნით მიმართოს პერსონალურ მონაცემთა დაცვის სამსახურს ან/და სასამართლოს.
აუდიო მონიტორინგი
მედკაპიტალი აუდიომონიტორინგს ახორციელებს ლეგიტიმური ინტერესის გათვალისწინებით, მომსახურების ხარისხის კონტროლის უზრუნველსაყოფად და/ან სუბიექტის თანხმობით.
აუდიომონიტორინგი/აუდიოჩაწერა, ,„პერსონალურ მონაცემთა დაცვის შესახებ“ საქართველოს კანონით დადგენილი მოთხოვნების დაცვით, ხორციელდება მედკაპიტალთან სატელეფონო კომუნიკაციისას.
მედკაპიტალთან სატელეფონო კომუნიკაციისას სატელეფონო ზარების ჩაწერის შესახებ მონაცემთა სუბიექტი ინფორმირებულია საქართველოს კანონის მოთხოვნების შესაბამისი ფორმით.
მედკაპიტალში აუდიომონიტორინგი მიმდინარეობს ცხელ ხაზზე (0322 720909) მონაცემთა სუბიექტის მიერ განხორციელებული ზარის მეშვეობით, მონაცემთა სუბიექტისთვის აუდიომონიტორინგის დაწყებამდე ხმოვანი სიგნალით ჩაწერაზე წინასწარ გაფრთხილებისა და ინფორმირებულობის საფუძველზე.
მედკაპიტალის ცხელი ხაზით სარგებლობისას (სატელეფონო კომუნიკაცია) მონაცემთა სუბიექტი აცხადებს თანხმობას მისი პერსონალური მონაცემების დამუშავების თაობაზე. თუ მონაცემის სუბიექტი არ ეთანხმება ჩაწერის მიზნებს და/ან არ აქვს სურვილი მონაცემების აუდიომონიტორინგის პირობებში დამუშავებაზე, დაუყოვნებლივ უნდა შეწყვიტოს ცხელი ხაზით მომსახურებით სარგებლობა.
აუდიომონიტორინგი მიმდინარეობს სატელეფონო კომუნიკაციის მთელი პერიოდით, გარდა შემაფერხებელი გარემოების არსებობისა.
მედკაპიტალი უფლებამოსილია აუდიოჩანაწერი გამოიყენოს მტკიცებულებად სათანადო მიზნებისთვის.
ვიდეო მონიტორინგი
მედკაპიტალში, ლეგიტიმური ინტერესების გათვალისწინებით, ასევე უსაფრთხოებისა და საკუთრების დაცვის მიზნით, მომსახურების ხარისხის კონტროლის უზრუნველსაყოფად, „პერსონალურ მონაცემთა დაცვის შესახებ“ საქართველოს კანონით დადგენილი მოთხოვნების დაცვით, მიმდინარეობს შენობის შიდა და გარე პერიმეტრის ვიდეომონიტორინგი.
მედკაპიტალი, გამონაკლის შემთხვევებში, მოქმედი კანონმდებლობით გათვალისწინებული მოთხოვნების დაცვით, სამუშაო სივრცის ვიდეომონიტორინგს ახორციელებს, უსაფრთხოებისა და საკუთრების დაცვის მიზნებისათვის, შესაბამის თანამშრომელთა წინასწარი წერილობითი გაფრთხილება/ინფორმირებულობის საფუძველზე.
მედკაპიტალი ახორციელებს შენობის შიდა და გარე პერიმეტრის ვიდეოკონტროლს თვალსაჩინოდ განთავსებული გამაფრთხილებელი ნიშნებით, რომელიც შეიცავს შესაბამის წარწერას, მარტივად აღქმად გამოსახულებას, დამუშავებისათვის პასუხისმგებელი პირის სახელწოდებასა და საკონტაქტო მონაცემს.
ვიდეომონიტორინგი მიმდინარეობს უწყვეტ რეჟიმში, გარდა შემაფერხებელი გარემოების არსებობისა.
მედკაპიტალი უფლებამოსილია ვიდეოჩანაწერი გამოიყენოს მტკიცებულებად საქმიანობის განხორციელების, საკუთრების დაცვის, უსაფრთხოების მიზნებისთვის.
პირდაპირი მარკეტინგი
მედკაპიტალის მიერ პირდაპირი მარკეტინგის მიზნით მონაცემთა დამუშავება ხორციელდება მხოლოდ თქვენი თანხმობით, ასევე იმ წყაროებიდან, რომელსაც თავად გვიზიარებთ, როდესაც ჩვენი მომსახურებით სარგებლობთ.
თქვენი სახელის, გვარის, მისამართის, ტელეფონის ნომრისა და ელ.ფოსტის მისამართის გარდა, პირდაპირი მარკეტინგის მიზნით სხვა მონაცემთა დამუშავებისთვის აუცილებელია თქვენი წერილობითი თანხმობა.
მედკაპიტალი უზრუნველყოფს პირდაპირი მარკეტინგის მიზნით თქვენი მონაცემების დამუშავების შეწყვეტას, თქვენი მოთხოვნიდან არაუგვიანეს 7 (შვიდი) სამუშაო დღის ვადაში.
თქვენ შესაძლებლობა გაქვთ მოითხოვოთ პირდაპირი მაკრეტინგის მიზნით მონაცემთა დამუშვების შეწყვეტა იმავე ფორმით, რომლითაც ხორციელდება პირდაპირი მარკეტინგი ან განსაზღვრული იქნება სხვა ხელმისაწვდომი და ადეკვატური საშუალება მონაცემთა დამუშავების შეწყვეტის მოთხოვნისთვის (მაგალითად SMS NO სერვისი ან/და სხვა მეთოდები).
თქვენ, ყოველგვარი საფასურის ან შეზღუდვის გარეშე, ნებისმიერ დროს გაქვთ თანხმობის გამოთხოვის უფლება.
მედკაპიტალი ახორციელებს თქვენს შესახებ მონაცემთა დამუშავებაზე თანხმობის მიცემისა და თანხმობის გამოხმობის დროის და ფაქტის აღრიცხვას და პირდაპირი მარკეტინგის მიზნებისათვის დამუშავებული მონაცემები ინახავს პირდაპირი მარკეტინგის განხორციელების ვადის ბოლომდე.
მონაცემთა შენახვა და ვადები
მედკაპიტალის მიერ პერსონალური მონაცემების შენახვა ხორციელდება უსაფრთხო ადგილას.
მედკაპიტალი პერსონალურ მონაცემთა ვადებს განსაზღვრავს ყოველ ცალკეულ მონაცემთა კატეგორიაზე ინდივიდუალურად, კანონის, მისი ინტერესის და ლეგიტიმური მიზნის საფუძველზე.
მედკაპიტალი მონაცემთა შენახვის ვადებთან დაკავშირებით ხელმძღვანელობს შემდეგი კრიტერიუმებით:
უსაფრთხოების დაცვა და მექანიზმები
მედკაპიტალი უზრუნველყოფს მონაცემთა დაცვას, უსაფრთხოებასთან დაკავშირებით არსებული ტექნიკური და ორგანიზაციული ზომების მეშვეობით.
უსაფრთხოება მოიცავს, მაგრამ არ შემოიფარგლება, შემდეგ საკითხებს:
მონაცემთა დაცვა: გამოყენებულია მრავალ საფეხურიანი მიდგომა, რომელიც აერთიანებს ფიზიკურ, ტექნოლოგიურ და ადმინისტრაციულ ზომებს.
ციფრული და ფიზიკური აქტივების უსაფრთხოება: ელექტრონულ მოწყობილობებზე, ციფრულ ფაილებზე და ფიზიკურ სანახებზე გააქტიურებული უსაფრთხოების პროტოკოლები, რათა სისტემები დაცული იქნას არაავტორიზებული წვდომისგან, ასევე უზრუნველყოფილია მონაცემთა მთლიანობა.
წვდომის და კონტროლის მექანიზმები: გამოყენებულა უსაფრთხოების კონტროლის სისტემები, წვდომის შეზღუდვები, სათვალთვალო სისტემები, რომლებიც გამოიყენება არაავტორიზებული წვდომის, ბოროტად გამოყენების ან ქურდობისგან დასაცავად.
მკაცრი შესაბამისობა და ტრენინი: პერსონალი მკაცრად არის მომზადებული და მოეთხოვება მონაცემთა დაცვის პოლიტიკის დაცვა, რომელიც შეესაბამება, როგორც საკანონმდებლო ასევე შიდა რეგულაციებს.
მედკაპიტალის დასაქმებულები უზრუნველყოფენ მონაცემთა კონფიდენციალურობის, პერსონალურ მონაცემთა დაცვის პოლიტიკის, მოქმედი კანონმდებლობისა და შიდა ორგანიზაციული დოკუმენტებით გათვალისწინებული მოთხოვნების დაცვასა და შესრულებას.
მონიტორინგი/ლოგირება: ელექტრონული სისტემებში ყველა მონაცემთა მოდიფიკაცია ასახულია ელ. ჟურნალში, რაც იძლევა მონაცემთა დამუშავების ყველა აქტივობის მონიტორინგის საშუალებას.
პერსონალურ მონაცემთა დაცვის ოფიცერი
პერსონალურ მონაცემთა დაცვის კანონმდებლობით გათვალისწინებული მოთხოვნების და ვადის დაცვით მედკაპიტალს ჰყავს პერსონალურ მონაცემთა დაცვის ოფიცერი.
პერსონალურ მონაცემთა დაცვის ოფიცერი წარმოადგენს დამოუკიდებელ სუბიექტს, რომელიც მედკაპიტალს და მის დამუშავებაზე უფლებამოსილ პირებს უწევს კონსულტაციებს, აძლევს ექსპერტულ რჩევებს პერსონალურ მონაცემთა დაცვის მოთხოვნებთან შესაბამისობის შესახებ და ასრულებს პერსონალურ მონაცემთა დაცვის კუთხით სხვა ფუნქციებს.
პერსონალურ მონაცემთა დაცვის ოფიცერი, სამართალდარღვევის არიდების მიზნით, უზრუნველყოფს პრევენციული ღონისძიებების გატარების შესახებ ინფორმაციის მიწოდებას.
პერსონალურ მონაცემთა დაცვის ოფიცრის ვინაობის შესახებ ინფორმაცია შეგიძლიათ მიიღოთ მედკაპიტალის ვებ-გვერდზე (www.medcapital.ge) და პერსონალურ მონაცემთა დაცვის სამსახურის ვებ-გვერდზე (www.personaldata.ge).
მონაცემთა სუბიექტი უფლებამოსილია მიმართოს პერსონალურ მონაცემთა დაცვის ოფიცერს ([email protected]) და ასეთ შემთხვევაში, ოფიცერი ვალდებულია მიაწოდოს მას ინფორმაცია მონაცემთა დამუშავების და მისი უფლებების შესახებ.
ინციდენტი
ინციდენტი წარმოადგენს მონაცემთა უსაფრთხოების დარღვევას, რომელიც იწვევს მონაცემების არამართლზომიერ ან შემთხვევით დაზიანებას, დაკარგვას, აგრეთვე უნებართვო გამჟღავნებას, განადგურებას, შეცვლას, მათზე წვდომას, მათ შეგროვებას/მოპოვებას ან სხვაგვარ უნებართვო დამუშავებას.
ინციდენტის აღმოჩენაზე პასუხისმგებელია პერსონალურ მონაცემთა დამუშავებაზე უფლებამოსილი პირი და მონაცემთა დამუშავებაზე პასუხისმგებელი პირი.
ნებისმიერ ინციდენტთან დაკავშირებით არსებული ინფორმაცია დაუყოვნებლივ, მაგრამ არაუგვიანეს 3 სამუშაო დღისა წარედგინება პერსონალურ მონაცემთა დაცვის სამსახურს:
პასუხისმგებლობა
მედკაპიტალის დასაქმებული პირები და/ან კონტრაგენტები ვალდებულნი არიან დაიცვან მედკაპიტალის მონაცემთა დაცვის პოლიტიკის დოკუმენტი.
შრომის სამართლებრივი ურთიერთობიდან გამომდინარე მედკაპიტალის დასაქმებული, რომელსაც სამსახურებრივი მიზნით და კომპეტენციის ფარგლებში წვდომა აქვს პერსონალურ მონაცემებთან, მათ შორის ახორციელებს მის დამუშავებას და ინახავს ელექტრონულად ან მატერიალურად შესაბამის დოკუმენტაციას ვალდებულია დაიცვას დოკუმენტაციის წარმოების სათანადო წესი და დოკუმენტაციაში არსებული ჩანაწერების კონფიდენციალურობა და შეინახოს აღნიშნული დოკუმენტაცია კომპანიაში შესაბამის უსაფრთხო ადგილას, სადაც დაცული იქნება დოკუმენტაცია დაზიანება/განადგურებისგან და მესამე პირთა წვდომისგან.
შრომის სამართლებრივი ურთიერთობიდან გამომდინარე, მედკაპიტალის დასაქმებული, რომელიც სამსახურებრივი/კანონიერი მიზნით ინახავს შესაბამის დოკუმენტაციას და ახორციელებს კომპეტენციის ფარგლებში პირის პერსონალური მონაცემების დამუშავებას, პასუხისმგებელია დოკუმენტაციის დაცვაზე და დოკუმენტაციაში არსებული პერსონალური მონაცემების გამჟღავნებაზე, უკანონო გამოყენებაზე, დაკარგვაზე, უკანონო მოპოვებაზე, შეცვლაზე, უკანონო განადგურებაზე და სხვა არაკანონიერ ქმედებაზე.
მედკაპიტალის სამედიცინო პერსონალი ვალდებულია დაიცვას პერსონალურ მონაცემთა დაცვის კანონმდებლობა და უზრუნველყოს მის ხელთ არსებული პაციენტის შესახებ ინფორმაციის კონფიდენციალურობის დაცვა.
შრომის სამართლებრივი ურთიერთობიდან გამომდინარე მედკაპიტალის სამედიცინო პერსონალი ვალდებულია დაიცვას პაციენტის პერსონალური მონაცემები, მათ შორის განსაკუთრებული კატეგორიის და ჯანმრთელობასთან დაკავშირებული პერსონალური მონაცემები, მათი დამუშავება განახორციელოს სამართლიანად, კანონიერად, გამჭვირვალედ, მონაცემთა უფლებების შეულახავად.
შრომის სამართლებრივი ურთიერთობიდან გამომდინარე მედკაპიტალის სამედიცინო პერსონალი, რომელსაც სამსახურებრივი/კანონიერი მიზნით, თავისი კომპეტენციისა და პაციენტისათვის სამედიცინო მოსმახურების გაწევის ფარგლებში წვდომა აქვს და ახორციელებს პაციენტის პერსონალური მონაცემების დამუშავებას, პასუხისმგებლობა ეკისრება პაციენტთა პერსონალურ მონაცემთა გამჟღავნებაზე, უკანონო გამოყენებაზე, დაკარგვაზე, უკანონო მოპოვებაზე, შეცვლაზე, უკანონო განადგურებაზე და სხვა არაკანონიერ ქმედებაზე.
შრომის სამართლებრივი ურთიერთბიდან გამომდინარე მედკაპიტალის დასაქმებული, რომელიც სამსახურებრივი/კანონიერი მიზნით და თავისი კომპეტენციის ფარგლებში ინახავს შესაბამის დოკუმენტაციას, მათ შორის ახორციელებს კომპეტენციის ფარგლებში პირის განსაკუთრებული კატეგორიის პერსონალურ მონაცემების დამუშავებას, ვალდებულია იხელძღვანელოს და დაიცვას პერსონალურ მონაცემთა დაცვის შესახებ საქართველოს კანონი, შესაბამისი რეგულაციები, სამედიცინო გაიდლაინები, სხვა სამართლებრივი აქტები და კომპანიის შესაბამისი ინსტრუქცია/დებულება/პოლიტიკა.
შრომის სამართლებრივი ურთიერთობიდან გამომდინარე, უფლებამოსილი სამედიცინო პერსონალი პაციენტთა პერსონალური მონაცემები უნდა დაამუშაოს მისი კომპეტენციის ფარგლებში და კანონიერი მიზნიდან გამომდინარე, რომელიც მოქმედი კანონმდებლობის შესაბამისად და/ან გასაწევი სამედიცინო მომსახურებიდან გამომდინარე საჭიროა პაციენტისთვის მომსახურების სათანადოდ მიწოდების უზრუნველსაყოფად, ჯანმრთელობის დაცვის სისტემების მართვისა და ფუნქციონირებისთვის, კომპანიის მიერ შესაბამისი ანგარიშგების განხორციელებისათვის, კანონმდებლობით ნაკისრი ვალდებულებების შესრულებისთვის და სხვა საჭიროებებისთვის.
მედკაპიტალის დასაქმებულ პირებს ეკრძალებათ პერსონალური მონაცემების შემცველი დოკუმენტებისა და ფაილების უყურადღებოდ დატოვება.
მედკაპიტალის დასაქმებული ვალდებულია არ გაამჟღავნოს და არ გადასცეს სხვისი პერსონალური მონაცემები მესამე პირს. პერსონალური მონაცემების დაცვის ვალდებულება ძალაში რჩება იმ შემთხვევაშიც, თუ პირი აღარ იმყოფება მედკაპიტალთან შრომით სამართლებრივ ურთიერთობაში. აღნიშნული მთხოვნების დარღვევის შემთხვევაში მედკაპიტალი უფლებამოსილია მოითხოვოს და ამ შემთხვევაში დასაქმებული ვალდებულია აანაზღაუროს დამდგარი ზიანი/ზარალი.
პერსონალური მონაცემების დამუშავების შესახებ დამტკიცებული წესებისა და არსებული რეგულაციის დარღვევა წარმოშობს მედკაპიტალის დასაქმებულის მიმართ დისციპლინური პასუხისმგებლობის დაკისრების საფუძველს.
უფლებების რეალიზება და ხელმისაწვდომობა
მომხმარებელი/მონაცემთა სუბიექტი უფლებამოსილია მიმართოს უფლებების რეალიზების (მონაცემთა დამატება, განახლება, გამოთხოვა, გაცნობა, შესწორება და სხვა), წინამდებარე პოლიტიკასთან დაკავშირებული და მისთვის საჭირო ინფორმაციის მიღების მიზნით მედკაპიტალს მისამართზე (ქ. თბილისი, გლდანის რ-ნი, ილია ვეკუას ქ.#18), ელ. ფოსტაზე: [email protected] ან მიმართოს პერსონალურ მონაცემთა დაცვის ოფიცერს, რომლის მონაცემებიც მითითებულია (www.medcapital.ge, www.personaldata.ge).
მედკაპიტალი იტოვებს უფლებას ნებისმიერ დროს შეიტანოს ცვლილება და განაახლოს წინამდებარე პოლიტიკა, რომელიც განთავსდება მედკაპიტალის ვებ-გვერდზე: www.medcapital.ge
წესები და პროცესები, რომელიც განსაზღვრული არ არის წინამდებარე პოლიტიკით, რეგულირდება საქართველოს კანონმდებლობის და მედკაპიტალის შიდა ორგანიზაციული დოკუმენტების შესაბამისად.
გენერალური დირექტორი
ნინო კეკენაძე
